Pinapakusog pa kan Sarangani Provincial Police an nagpapadagos na imbestigasyon para maaraman kun sisay an suspek sa brutal na paggadan sa sarong senior citizen sa Barangay Malandag, Malungon, Provincia kan Sarangani.
An biktimang si Miguel Saavidra, 65 anyos asin residente kan lugar an nakuwang gadan sa harayong parte kan barangay.
Basado sa post-mortem examination, nagsapo nin grabeng lugad sa payo an biktima kawsa kan sarong matagas na bagay.
May hiwa man ini sa payo na gare tinaga, asin tinanggalan pa nin ari antes na sulon an sensitibong parte kan saiyang hawak.
Nagkapirang mga gamit man an nagkalat sa palibot kan saiyang payag, na nagpapahiling na posibleng linaog asin kinuwa an saiyang mga gamit.
Sagkod ngonian, wara pang pinangaranan na suspetsado mantang padagos an imbestigasyon kan mga otoridad nganing maaraman an motibo asin pagkakabisto kan mga responsable sa krimen.
