Nasa anom na indibidwal an binawian nin buhay makalihis an pambabadil sa sarong youth welfare center sa Germany.
Nangyari an pambabadil sa Danker Strasse, sa kanlurang parte kan Hamburg.
Segun sa kapulisan na kaibanan sa mga nagadan an apat na babae asin duwang lalaki.
Saro sa mga biktima an nagadan mantang pigbubulong sa ospital.
Duwang persona man an naarestar kaibanan an pinagtutubudan na suspek.
Igwa man na saro pang indibidwal na pig-iimbestigaran katakod kan insidente, mantang dae pa maaraman kun ano an motibo sa pambabadil.
