LEGAZPI CITY-Gadan an 51-anyos na lalaki makalihis pagbabadilon sa Baseco Compound port area Manila, pasado ala 1:00 nin maagahon kan Martes.
Segun sa polisya, nagsapar nin tulong tama sa likod asin sa pandok an biktima.
Nagluwas man sa imbestigasyon na huli ini sa iriwal asin nagin motibo sa pambabadil an iligal na droga.
Basado sa mga impormasyon, pigsaway an suspek na anak-anakan kan biktima huli sa pangungupit nin barya sa saindang computer shop.
Pigtuturo man na suspek an duwa sa anak-anakan kan biktima huli sa pagtakas kaini makalihis an nasambitang krimen.
Tulos man na naarestar an mga suspek kan mga otoridad.
