LEGAZPI CITY- Padagos na pigko-konsolidate ngunyan kan mga ahensya de gobierno an kabilugan na datos kan mga iwinalat na damages kan bagyong Enterng sa Bicol region.
Segun ki Office of the Civil Defence Bicol spokesperson Gremil Naz na nakapagrehistro nin apat na nagadan huli sa panrarapado kan bagyong Enteng kun sain duwa an sa Naga City asin tig-saro sa Jose Panganiban asin Labo, Camarines Norte.
Nasa 18 man an nawawarang parasisira hali sa Camarines Norte partikular sa Jose Panganiban, Mercedes asin Vinsons.
An apat na mga binawian nin buhay an padagos suboot na ibeberipika kun maikokunsiderar na typhoon related.
An mga nawawarang parasisira an naglawod suboot antes pa man mabilog bilang tropical depression an nasabing raot nin panahon asin inabutan kaini mantang nasa kadagatan.
Mientras tanto, sinabi ni Naz na naghahalat na sana sinda nin impormasyon kun nakapag decamp na an gabos na labi sa 9,000 na mga indibidwal na ipig-ebakwar makalihis na maapektaran kan mga pagbaha.
Aminado kaya an opisyal na nagkakaigwa nin delay sa pagsusumiter kan mga post decampment reports.
Napag-araman man na iwag 5, 718 na mga kaharungan an nadanyaran kan nasabing raot nin panahon kun sain 63 sa mga ini an totally damaged.
An nasabing nadistrosong mga kaharugan an iba-validate pa kan Department of Social Welfare and Development.
Basado man sa datos kan mga local disaster risk reduction and management offices asin mga ahensya de gobierno, nakapagrehistro nin labi sa P893 million na danyos sa mga imprastruktura na presenteng nagsasairarom man sa balidasyon.
