Gadan an nasa 35 Palestinians sa panibagong airstrike kan Israel sa ciudad nin Rafah sa Gaza.
Segun kay Ashraf Al-Qidra an tagapagtaram kan health ministry kan Gaza, sunod-sunod na pinasabog kan mga fighter jets kan Israel an tents na pigdadagosan kan mga Palestinians.
Kadaklan kan mga biktima an tulos na binawian nin buhay mantang kadakol pa na nalugadan huli sa naglakop na kasulo.
Segun man sa International Committee of the Red Cross, kadakol na mga pasyente an pigdadalagan ngunyan sa saindang field hospital huli sa sinapar na lugad sa pag-atake.
Mahigot na kinondena kan Health Ministry an insidente lalo pang kadaklan kan mga biktima an sibilyan.
Alagad inihayag kan Israel Defense Forces na target kan saindang pag-atake an mga Hamas na nagtatago sa lugar.
Kinumpirma man kaini an pagkagadan kan chief of staff for the West Bank asin senior official kan Hamas sa nasabing pag-atake.
