LEGAZPI CITY-Nagpapataw-pataw an sarong 35-anyos na babayi sa Tacloban City na pigtutubudang dinukot sa Ormoc City, Leyte.
Basado sa mga impormasyon, kan August 4, 2025, nahiling kan sarong parasisira an bangkay asin ipinaaram sa Bureau of Fisheries and Aquatic Resources (BFAR)-Tacloban asin sa Fishery Law Enforcement Team.
Nakapatos nin plastic an biktima asin nakagakod an saiyang mga kamot.
Segun sa mga otoridad, nagpopoon nang maagnas an bangkay na tulos man na nabisto kan saiyang mga kapamilya.
Dagdag pa kan mga otoridad na ini suboot an babaying dinukot sa Ormoc City kan Hulyo 31, 2025.
Sa pangenot na imbestigasyon, 3 na armadong lalaki suboot an nagkuha sa biktima.
Mientrastanto, pigaaram pa an motibo sa likod kan krimen ngani mabisto an mga suspek sa insidente.
