LEGAZPI CITY — Nagpaparahay na ngunyan an tulong persona makalihis na magsapar nin injuries sa nangyaring karambola nin tulong behikulo sa Purok 7 Kimantong, Daraga, Albay.
Nabisto an mga biktima na sinda Salvation Arias, 36 anyos asin an limang bulan na umboy na si Nixon James Arias asin Fiona Kim Arias, sarong taon.
Segun sa impormasyon na ipinaabot kan mga otoridad, pigbabaybay kan dump truck na pigmamanehar ni Renz Marion kan Balanga Bataan an porsyon kan Draga centro hali sa probinsya kan Sorsogon mantang kasabatan man kaini an pampasaherong jeep na pigmamanehar ni Romeo Imperial an pasiring sa nasambitan na probinsya.
Alagad kan mag-abot sa pinangyarihan kan insidente, kinaon kan truck an linya kan jeep kun kaya binalo kaini na ibitaran an nasambitan na truck alagad nagkabangaan man giraray an mga ini.
Mientrastanto, nabangga man kan nasambitan na dump truck an saro pang tricycle na nakaparada sa lugar asin nadamay pa an harong na pagsadiri kan sarong Jocelyn Barasona.
Sa ngunyan padagos pang pig-aaraman an kondisyon kan nasambitan na mga biktima.
