LEGAZPI CITY — Sienerto kan Virac Fire Station sa provincia kan Catanduanes na makusog pa an tubig sa lugar sa tahaw kan nai-eksperyensyahang dry spell.
Sa intrevista kan Bombo Radyo Legazpi ki FO3 Richard Cabrera, may bagong pinagkukuwaan nin tubig sa banwaan kun kaya may mga barangay na dae pa man nakakamati nin water shortage.
Alagad may nagkapirang barangay na nag-request naman suboot nin tubig siring kan Barangay San Miguel kaya nag-supply na an firetrucks katabang an tanker kan Municipal Disaster Risk Reduction and Management Office asin an Virac Water District.
Segun ki Cabrera, naka-standby man an tulong truck kan istasyon en kasong kaipuhanon para sa pagpuho nin grassfires kun sain kasuarin sana, nagresponde ini sa ikatulong insidente nin grassfire sa Barangay Talisoy.
Tulos man suboot na napundo an kasulo na anas mga awot asin warang agricultural products.
Dugang pa kan opisyal, padagos an fire safety awareness campaign asin pagirumdom na ibitaran an pagsusulo asin pagtatapok nin sigarilyo na macrear nin kalayo.
