Dae mababa sa 27 katawo an nagadan mantang 63 man an irido sa kasulo na suminiklab sa sarong pub sa Bangkok, Thailand.
Segun sa mga otoridad na nangyari an insidente sa Chatuchak district sa kabisera kan Thailand.
Basado sa pangenot na imbestigasyon asin testimonya kan mga nakasalbar, marikas na naglakop an mahibog na aso makalihis suminiklab an kasulo.
Huli digdi, dakol na tawo an nagbalo na makaluwas asin nagpasiring sa likudan na parte kan establishiento harani sa mga comfort room.
Alagad segun sa mga opisyal, warang fire exit an nasabing pub rason ngani na dakol an ma-trap sa laog.
Nagpapadagos man an imbestigasyon kan mga otoridad sa kawsa kan kasulo asin sa posibleng bayolasyon.
