LEGAZPI CITY – Ibinida kan Department of Trade and Industry ang nagkapirang lokal na produkto na gibo sa Bicol Region sa paagi kan Orgullo Bicol Travel and Trade Fair sa Metro Manila.
Sa intrevista kan Bombo Radyo Legazpi kay Dindo Nabol, an Regional Director kan Department of Trade and Industry o DTI Bicol, target kan ahensya na makalikom nin nasa P25 milyong sagkod sa pagtatapos kang nasabing 5 aldaw na aktibidad.
Segun pa ki Nabol, nasa 111 na mga exhibitors ang nakisumaro na kung sain maabot man sa 220 local products an pwedesir mababakal siring kan pili, abaca, asin pinangat na gikan sa manlaen laen na LGUs sa nasabing rehiyon.
Nakatalaan man na buksan kan mga MSMEs na gikan sa provincia nin Albay ang local trade fair sa maabot na katapusan kan bulan nin Nobyembre.
Mientrastanto, nagpapdagos man ang mga aktibidad kan ahensya dapit sa obserbasyon kan National Consumers’ Month siring sa confiscation kang mga substandard na mga produkto sa bilog na rehiyon.
Siring man, target na sa maabot na Nobyembre 9 hasta 11 nakatalaan na magpasiring sa rehiyon ang mga personahe na gikan sa central office ta nganing magkondukta nin enforcement na matutok sa pag-kumpiskar nin mga illegal na produkto na pinapabakal sa Bicol.
