Nagpapatabang an 23 na Pinoy Seafarers na lunad kan tanker na MT Sounion, makalihis ining atakehon kan rebeldeng Houthis.
Ginamitan suboot sinda nin missile mantang nasa kadagatan kan Yemen ala una nin hapon kan Agosto 21, 2024 oras sa Pilipinas.
Segun sa report, nasa 29 tripulante igwa an barko, kun saen 23 sa mga ini an mga Pilipino na gikan sa manlaen- laen na parte kan nasyon. Pigduruwa an gikan sa Iloilo City,Manapla, Negros Occidental,Davao City,mantang pigsararo sa mga lugar kan Cebu City, Talisay City, Cebu, Calatrava, Negros Occidental,Kananga, Leyte,Parañaque City, Hilongos, Lucban, Quezon,San Juan, Batangas, San Carlos City, Pangasinan, Muntinlupa City, Malaybalay City, Bukidnon, Jones, Isabela, Patnongon, Antique, Bugasong, Antique, Ubay, Bohol asin sa Samar.
Sa inisyal na imbestigasyon, natamaan nin duwang missile na pigtutubudang gikan sa Houthi rebels mantang ini an naglalayag sa Red Sea pasiring Africa.
Huli sa pagsabog, naapektaran an engine kan barko na pagsadiri kan Greece o Delta Tankers company.
An pagsabog man an dahilan kan pagkasulo kan barko.
Pangatulong missile attack na ini kan Houthis sa nasabing kompaniya kan barko.
