LEGAZPI CITY—Karsel an bagsak kan sarong 23-anyos na lalaki makalihis ipaotob an sarong Search Warrant kan mga otoridad sa Barangay Sogod, Bacacay, Albay.
Nakumpiskar ki alyas “Jawo” an limang pakete na may laog nin pgtutubudang shabu na may gabat na pocomas o menos 39.9 gramo, asin standard drug price na P271,320.
Afuera digdi, narekober man an duwang lighter, sarong black folding knife, pirang pidaso nin nakatiklop asin nakarolyong aluminum foil, asin sarong eyeglass casing.
Naarestar an suspek sa tabang kan Bacacay Municipal Drug Enforcement Unit bilang lead unit, Albay Police Provincial Intelligence Unit asin 2nd Albay Provincial Mobile Force Company asin Philippine Drug Enforcement Agency Albay.
Sa presente, nasa kustodiya na ini kan Bacacay MPS para sa magkakanigong disposisyon.
