Nagsapar nin 2nd-degree burns an duwang Pilipinong parasisira makalihis sumabog an engine kan saindang fishing boat harani sa Bajo de Masinloc o Scarborough Shoal.
Nahiling man an duwang barko kan China Coast Guard harani sa pinangyarihan kan insidente.
Segun sa Philippine Coast Guard na binalo pa kan China Coast Guard na harangan an rescue operations maski pa na-impormaran na an mga ini kan nangyaring emerhensya.
Sinabi ni Philippine Coast Guard spokesperson Rear Admiral Armand Balilo na nagkondusir sinda nin rescue operations asin tulos na natawan nin medikal na asistensya an mga nairidong parasisira.
Dugang pa ni Balilo na sinabi kan kapitan kan BRP Sindangan MRRV-4407 na posibleng huli sa naraot na battery starter motor an rason kan pagsabog.
