LEGAZPI CITY-Nahiling an duwa sa 12 luxury vehicles sa isinagibong search warrant kan Bureau of Customs (BOC) sa mga ari-arian kan pamilya Discaya.
Segun kay BOC Chief of Staff Jek Casipit, an Toyota Land Cruiser asin sarong Maserati sana an nahiling ninda sa lugar.
Mantang an iba pang sasakyan na nakalista sa warrant an wara sa property kan mga Discaya.
Liwat sa pigako ni Sarah Discaya na may 28 luxury cars an saindang pamilya, 12 digdi an natalaan sa search warrant kun sain iyo an mga behikulo na warang record sa Customs.
Dagdag pa ni Casipit, duang beses nindang pigprobaran na isangat an warrant kan Lunes nin banggi alagad dai sinda pinalaog digdi.
