LEGAZPI CITY-Duwang low pressure area (LPA) an presenteng pigbabantayan na posibleng magresulta sa pag-uran asin pagbaha sa nagkapirang parte kan nacion.
An enot na LPA an nanotaran sa rayong 460 km kanluran kan Coron, Palawan.
An ikaduwa an nasa 190 km west-north west kan Juban, Sorsogon.
Padagos na nakakaapektar an easterlies sa Northern Luzon, na posibleng magdara nin mainit asin maalinsangan na panahon, pati na an mga pag-uuran sa hapon o banggi.
Katakod kaini, direktang apektado kan pigbabantayan na LPA an mga minasunod na lugar:
Bicol Region
Central Visayas
Eastern Visayas
Aurora
Quezon
Rizal
Bulacan
Nueva Ecija
Quirino
Nueva Vizcaya
Apektado man kan trough kan LPA an mga lugar sa:
Metro Manila
MIMAROPA
Natitirang bahagi ng Central Luzon
Natitirang bahagi ng CALABARZON
Natitirang bahagi ng Visayas
Pigpapayuhan an publiko, orog na sa mga nabanggit na lugar, na magin alerto sa posibleng pagbaha asin pagrasay nin daga.
