LEGAZPI CITY- Maogmang ipigheras kan Coast guard District Bicol an 1st ever radar station sa rehiyon na fully functional na makalihis an duwang taon na pagtitindog kaini sa Probinsya kan Catanduanes.
Kun babalikan nagkaigwa nin inagurasyon sa Coast Guard Radar Station sa barangay Hiyop, sa banwaan nin Pandan, Catanduanes kan nakalihis na aldaw.
Sa intrevista kan bombo radyo legazpi kay Coastguard ENS Dwan Grace Detoyato, an tagapagtaram kan Coast guard District Bicol, parte ini kan saindang modernization program na obhetong maasigurar an kaligtasan asin seguridad sa kabikolan asin sa bilog na nasyon.
Nagpasalamat man ini sa naging suporta kan probinsya kan Catanduanes siring man sa Lgu asin Barangay sa naging matrayumpong inagurasyon kan pigkukunsiderar na ika pitong radar station sa bilog na Pilipnas.
Mientrastanto, ipigbida man kan opisyal an mga kayang gibuhon kan nasambitang radar kun saen kaya suboot kaini na makapagtao nin reliable data ngane na mamonitor an kamugtakan kan panahon asin natatrack man kaini an mga barko na nasa 94 nautical miles an distansya.
