Binawian nin buhay an nasa 19 katawo makalihis an pagbagsak kan sarong pampasaherong bus sa bangin sa Nepal.
Basado sa inisyal na imbestigasyon kan mga otoridad na hali sa Pokhara pasiring sa Katmandu an bus kan mawaran nin kontrol an driver kaini asin nahulog sa bangin na may rarom na 200 metro.
Nangyari an insidente harani sa gilid kan Trishuli river sa Dhading District.
Napag-araman na igwang 44 katawo na lunad an bus kaibanan an driver kun sain 25 digdi an nagsapar nin lugad.
Kaibanan sa mga nagadan an sarong 24-anyos na turistang British national.
Padagos man an pigigibong imbestigasyon kan mga otoridad dapit sa insidente.
