LEGAZPI CITY-Naibulsa kan 19-anyos na Pinay triathlete na si Kira Ellis an duwang ginto asin tulong silver na medalya sa Southeast Asian (SEA) Games 2025.
Makalihis an torneo, kapot ni Ellis an limang medalya huli sa impresibong performance sa limang magkakahiwalay na event na saiyang pig-balehan.
Nakuwa ni Ellis an duwang gintong medalya sa team events na women relay asin mixed team relay.
Huring naguno niya an sarong silver medal sa women’s individual event, sarong aldaw makalihis na makaeksperyensya siya nin food poisoning mantang nasa kompetitisyon.
Nasungkit niyang enot an gintong medalya kan 2023 Cambodia Games sa aquathlon event.
Nagsabak man siya sa European Triathlon Junior Cup ngonian na taon asin nanggana kun sain kapot niya an rekord na 1 hour, 5 minutes, asin 7 seconds.
Laoman na an Pinay triathlete magigin parte kan Team Philippines na masabak naman sa Los Angeles Olympics sa taong 2028.
