Arestado kan mga otoridad an sarong 17-anyos na lalaki makalihis manghabon nin nakaparadang motorsiklo sa Barangay Nalook, Kalibo kan banggi nin Oktubre 20.
Basado sa report, ginamit suboot kan suspek an motorsiklo ngani na ihatod pauli an saiyang 13-anyos na nobya.
Segun sa binatilyo na naglakad sinda hali sa Barangay Fatima, New Washington hasta sa Nalook, Kalibo, kun sain narisa an sarong motorsiklong nakaparada sa gilid kan tinampo kaya pinirit ining paandaron gamit an susi.
Nagamit an motorsiklo hasta sa Barangay Tabayon, Banga alagad naubusan suboot ini nin gasolina kaya naghalat nin magdamlag hasta sa makargahan nin gasolina.
Segun pa sa binatilyo na plano nindang ibalik ini sa tagsadiri alagad uminabot na an tulong aldaw, dae man liwat naibalik an hinabas na motorsiklo.
Mientras tanto sinabi kan tagsadiri kan motor na narisa kan saiyang amigo an behikulo sa Poblacion, New Washington na pigmamanehar nin ibang tawo kaya tulos na sinundan asin nag-apod sa mga otoridad.
Digdi na nagkaigwa nin habulan asin nagluko sa salog an mga suspek kaibanan an 13-anyos na babayi.
Solamenteng an magnobyo sana an nadakop asin nakadulag an saro pang lalaki.
