LEGAZPI CITY-Maabot na sa 15 an nairehistrong gadan huli sa habagat, susog sa kumpirmasyon kan Philippine National Police (PNP).
Sinabi ni PNP Public Information Office Chief Col. Allen Rae Co, duwa an nairehistrong nagadan sa Police Regional Office 1 huli sa pagkakakuryente asin pagkalunod.
Pito man an nagadan sa Region 4A dahil sa rockfall o landslide, pagkalunod, pagkakuryente asin pagbagsakan kan kahoy.
Mientras tanto, anom an nairehistrong nagadan sa Police Regional Office Cordillera huli sa landslide.
Kaiba sa mga lugar na nairehistro an mga insidente sa La Union, Pangasinan, Rizal, Batangas, siring man sa La Trinidad, Benguet asin Baguio City.
Nasa 13 naman an injured asin anom pa an naibaretang nawawara.
Labi sa 3,000 na kapulisan na an nakakalat ngonian ngani padagos an response operations sa mga lugar na apektado kan habagat.
