LEGAZPI CITY- Arestado an kan mga otoridad an nasa 11 Chinese nationals na nagta trabaho sa mineral processing plant sa Barangay Tugos, Paracale, Camarines Norte.
An nasabing operasyon an ginibo sa pagtatarabangan kan mga personahe kan Bureau of Immigration, Presidential Anti-Organized Crime Commission, katabang pa an 5th Special Reconnaissance Battalion, First Scout Ranger Regiment, 16th Infantry Battalion, 2nd Infantry Division, Philippine Army asin an 2nd Military Intelligence Battalion, 2nd Provincial Mobile Force Company, asin an Paracale Municipal Police Station sa irarom kan Camarines Norte Provincial Police Office.
Segun ki Mines and Geosciences Bureau Bicol Director Engineer Guillermo Molina Jr. sa intrevista kan Bombo Radyo Legazpi nagta trabaho an mga ini sa lugar na warang magkakanigong mga dokumento.
Napag-araman na warang working permit an nasabing 11 Chinese nationals asin anas visa for tourist sana an kapot.
Pag-istorya kan opisyal na nagko konstruir nin saro pang planta sa lugar na luwas na sa nasasakop kan permit na ipinaluwas kan mga otoridad.
Katakod kaini, sinabi ni Molina na nagpaluwas na an ahensya nin cease and desist order sa pag-operate kan process plant.
Nanindugan man an opisyal na kinakaiuhan man na maghagad nin permit asin iba pang dokumento kun magha-hire nin mga dayuhan na magta trabaho sa laog kan nacion.
