LEGAZPI CITY — Dead on the spot an sarong motorista makalihis na magudgod asin maligidan pa nin truck an payo kaini sa Barangay San Rafael, Guinobatan, Albay kasuodma.
Sa intrevista kan Bombo Radyo Legazpi ki Pol. C/Insp. Wilfredo Espineli, hepe kan Guinobatan Municipal Police, tulos na binawian nin buhay si Joel Espinola, 29-anyos asin residente kan Bato, Camarines Sur.
Base sa inisyal na imbestigasyon asin sa nahiling na CCTV video, pigbabaybay kan biktima an tinampo kasabay an saro pang motorsiklo na pigmamanehar kan maestrang si Alvin Flores, 48-anyos sakay an 12-anyos na aki na si Angelica Jell Flores kan Polangui, Albay asin an truck na pigmamanehar man ni Jay Mar Campillos, 30, kan Banquerohan, Legazpi City.
Segun ki Espineli, aksidenteng na-side swept o nasabitan kan truck an motor ni Espinola na nasa tuong parte kan tinampo.
Mantang pigugudgod an vehikulo, aksidente man na nasabitan an motor ni Flores.
Huli digdi, nagsapar nin minor injury an mag-amang Flores na tulos idinalagan sa ospital.
Dugang pa kan hepe na pighahalat na sana ngonian an desisyon kan mga magurang kan biktima kun masangat nin kasong Reckless Imprudence resulting in Homicide kontra sa driver kan truck.
Nagudgod pa suboot ini na nagresulta sa pagkakaligis man kan nasa tahaw na rueda kan truck sa payo kan biktima.
