LEGAZPI CITY-Inakusaran ni Ukrainian President Volodymyr Zelensky na naggamit an Russia nin mga missiles na hale sa North Korea.
Inihalimbawa kaini an nangyaring airstrike kan sa Zaporizhzhia, Ukraine kun sain igwang anom katawo an nagadan asin 19 an nairido.
Sinabi kan Ukraine President na ini an enot na pagkakataon na naggamit an Russia nin missiles hale sa sa North Korea.
Dai suboot kaya kan Russia na lumaban nin warang nareresibeng tabang hale sa saindang mga kaalyado.
Nagpapahiling suboot ini kan mga kakulangan kan Russia huli sa paggamit kan mga missiles kan ibang nacion.
Pigsierto man kaini na mabalos an Ukraine sa ginibong matinding pag-atake kan Russia.
Enot na digdi an pag-akusar ni Zelensky na an Russia igwang labi sa 50,000 na militar hale sa North Korea asin nagtatabang suboot para sa gera ninda kontra sa Ukraine.
