Irido an duwang katawo makalihis maglansar nin missile attack ang puwersa kan Russia sa Kyiv, Ukraine kan Sabado nin matanga.
Segun ki Kyiv Mayor Vitali Klitschko, tinamaan kan mga debris an sarong limang-palapag na apartment building sa kanlurang parte kan ciudad, mantang nadestroso man an hampangan kan saro pang residential building.
Naraot man an sarong edificio na ginagamit ng kindergarten, mantang padagos na pigpatanidad kan mga opisyal ang mga residente sa posibilidad nin panibagong pag-atake.
Naenot nang nagpatanid si Ukrainian President Volodymyr Zelenskyy na naghahanda ang Russia ng panibagong pag-atake sa mga pasilidad kan enerhiya, tulay asin iba pang importanteng imprastraktura.
Nangyari an pag-atake tulong aldaw bago an nakatalaang pag-uulay sa Abu Dhabi kan mga representantes kan Ukraine asin Russia, kaiba an Estados Unidos, nganing liwat na itukar an posibleng pagwawakas sa labi apat na taong giyera.
