LEGAZPI CITY-Pig-agyat ni Dating Ako Bicol Representative Zaldy Co si Ombudsman Jesus Crispin Remulla na imbestigaran si President “BongBong” Marcos asin Dating House Speaker Romualdez.
Nangangapudan man siya sa Senado na imbestigaran an P100-B insertions kan Presidente huli sa kumbinsido siyang maipapaotob ini kan Senado nin marhay.
Dagdag pa niya na bako totoo an ipighayag ni ex-DPWH Engr. Brice Hernandez na sinabing kantidad sa Independent Commission for Infrastructure (ICI) na P21-Bilyon kundi nasa P57-Bilyon ini na napaduman suboot kay PBBM asin Martin Romualdez.
Pigtuga man ni Co na kadakol pa suboot siyang rebelasyon sa mga masunod pang aldaw asin naghahagad man siya nin dispensa sa mga namamanwaang Pilipino huli sa dai pa siya makakabalik sa nacion.
