LEGAZPI CITY-Ipighayag kan sarong Youth leader gikan sa Kabataan Partylist Bicol an mga rason kun nata “very unscientific” asin “not evidence-based” suboot an paglutang kan pagbawal sa paggamit kan Discord asin iba pang online platforms sa nacion.
Segun ki Kabataan Partylist Bicol Earnest Blanquera, sa intrevista kan Bombo Radyo Legazpi na para saiya asin sa grupo, na “napaka-unscientific” asin “band aid solution” an pagbabawal sa mga ini huli sa nangyaring school shooting kamakailan.
An nangyayari suboot ngonian, pighihiling ninda an video games asin iba pang online platforms, komo plataforma para sa mga screeners na mag-indocrinate na maggibo nin kadahasan.
Alagad, tinawan doon ni Blanquera na nagin “inutil” an nagkapirang ahensya kan gobierno sa pag-ban kaini huli ta kinaagahan, an ibinalik liwat ini, rason ngani marealisar an pakinabang kaini sa iba.
Dagdag pa niya na nakakatabang an ibang platapormang ini sa akademiko, negosyo, asin igwang mga matoninong na komunidad digdi na naglalansar nin manlain-lain na importanteng diskurso.
Wara man suboot na konkretong ebidensya na an mga espasyong ini, an mismong lugar para sa mga jovenes na maggibo nin kadahasan.
Tinawang-duon niya na an nagbubusol sa mga jovenes, iyo an mismong kultura sa saindang komunidad, na nahihiling sa sosyedad, siring kan mga “social ills” na dae pigtatawang pansin kan gobierno ngani na masolusyunan.
