LEGAZPI CITY- Tulong weather systems an padagos na nakaka apektar sa nagkapirang parte kan nacion.
Segun ki Weather Specialist Jun Pantino sa intrevista kan Bombo Radyo Legazpi na kaibanan sa mga ini an shearline, Intertropical Convergence Zone asin an nakaka apektar sa rehiyong Bicol na easterlies.
Sa ibong kaini, pinawi kan opisyal an pagkahadit kan publiko asin sinabing sadit an tsansa na ma-develop bilang bagyo an pigbabantayan na low pressure area.
Pigkakarkulo man na hasta sa mga bulan kan Abril asin Mayo padagos na maaapektaran an nacion kan La Niña.
Huli digdi, sobra sa average na mga pag-uran an maeeksperyensyahan sa nasabing mga bulan.
Dugang pa ni Pantino na magkakaigwa man nin wet summer huli ta posibleng malaoman an paminsan minsan na makukusog na mga pag-uran sa panahon kan summer season.
aliwanag kaini na sa Mayo o Hunyo pa pinaglalaoman an transition pasiring sa summer season.
