Nagpatanid an mga eksperto na ang mga glacier sa Himalayan region, na nagsisirbing improtanteng pinagkukunan kan tubig para sa pocomas o menos duwang bilyong tawo, an matutunaw na ngunyan nin doble an rikas kumpara kan taong 2000.
Susog sa report kan International Centre for Integrated Mountain Development ang Hindu Kush-Himalayan mountain range na umaabot hale sa Afghanistan hanggang Myanmar an kompwesto nin saro sa pinakadarakulang imbakan nin yelo sa kinaban sa luwas kan Arctic asin Antarctica.
Pigpupunan kaini an dae mababa sa 10 pangunahing salog sa Asya na improtante sa suplay kan tubig, pagkaon asin enerhiya.
Basado sa pag-aadal, haros dumoble an rikas kan pagnipis ng yelo puon 34 sentimetro kada taon bago ang 2000, na ngunyan an nag-aabot na sa 73 sentimetro.
Paliwanag kan mga siyentipiko, kawsa ini kan padagos na paglanglaw kan temperatura kan kinaban na nagpupugol sa mga glacier na imantenir an hibog kan yelo kaini.
