LEGAZPI CITY – Naghagad nin dispensa an Tabaco Water District (TABAD) sa mga konsumedores kaini na naapektaran kan saindang pigkokonstruhir asin maintenance kan 250 PBC transmission line o primary line sa syudad.
Temporamente kayang naapektaran an supply nin tubig sa lugar asin hasta sa ngunyan dae pa naibabalik an tamang supply.
Segun sa general manager kan TABAD na si Noel Bien, haros patapos naman an P25 million transmission lines replacenment project kan saindang ahensya alagad medyo nadifisilan sindang mag-reconnect sa city proper kun kaya dae nadagos an pigtalaan kaining schedule.
Hararom kaya suboot an excavation asin naging komplikado na an installation sa lugar huli naman sa kan dekada 70 hasta dekada 80 pa an nasabing installation.
Iyo naman sana suboot an mapagal na trabaho huli sa nakumpleto naman an linya hale sa barangay San Vicente hasta sa extreme point kan transmission sa San Ramon.
Piglalaoman man na matatapos ini asin ibang replacements sa ibang lugar sa enot na kwarter kan taon.
Dugang kaini, dae man sinda mapunod na mag-develop nin bagong mapagkukuwaan nin tubig huli sa medyo nagdadakol naman an mga konsumedores asin posible man an pagtutugdok nin septage facilities sa syudad.
