Nanindugan si Vice President Sara Duterte na siya an warang piglalaoman asin buong isog na hahampangon an saiyang impeachment trial makalihis na mai-proklama an 12 mga bagong senador.
Segun sa Bise Presidente, dae na niya piglalaoman an sarong acquittal o maski verdict guilty para sa saiya sa magigin trial asin nanindugan na siya an magtetenir na ‘at peace’ maski ano man an magigin kaluwasan kan trial.
Dugang pa ni VP Sara, dae niya aram kun pano maboto an mga senador asin sala man suboot na bilangon tulos an boto huli ta wara pang mga bastanteng ebidensya na kapot an Kongreso asin wara pang naipapahiling an prosekusyon asin lalong dae pa aram kan publiko kun anong klaseng depensa an kayang gibuhon kan saindang lado.
Pigtawan doon man kan Bise Presidente na mawot niyang maidagos an trial nganing magkaigwa nin ‘bloodbath’ sa kongreso.
Pigsyerto man kan opisyal na siya asin an saiyang legal team an ‘fully engaged’ sa mga preparasyon para sa piglalaomang trial sa katapusan kan Hulyo sa presenteng taon.
Mientrastanto, nakahanda na man na magsumite nin sarong supplemental affidavit denying criminal offenses of inciting sedition and grave threats an lado ni VP sara sa National Bureau of Investigation (NBI).
