LEGAZPI CITY-Nagpahayag nin reaskiyon an grupo nin mga paratukdo sa nagin interpolation kay Vice President Sara Duterte dapit sa budget kan Office of the Vice President (OVP) sa masunod na taon.
Segun kay Act Teachers Partylist Representative Antonio Tinio, sa intrevista kan Bombo Radyo Legazpi, na bako bastante an pagbusisi asin an nagin pagkwestyun orog na bako bukas an bise sa pagtatao nin mga impormasyon partikularmente na sa saiyang paggamit nin confidential funds, na mawot maaraman kan taumbayan.
Dagdag pa ni Tinio an “in between” an mga nagin simbag ni Vice President Sara orog na sa saiyang mabagal na paggastos kan saiyang budget sa saiyang ofisina.
Tinawan doon man ni Tinio na enkaso mabagal an paggastos kan mga budget, an siertong mabagal man an implementasyon kan mga programa.
Saro suboot ining kaluyahan asin kapalpakan sa implementasyon enkaso dai mapoonan an sarong programa liwat sa igwa nang mga budget.
Nakuwa man suboot nin mga impormasyon dapit sa mga personal travel kan bise kun sain nagabot ini sa 18 byahe ngonian na taon, alagad sinabi kan bise na personal na gastos an saiyang ginamit digdi.
Mientrastanto, piglalaom ngonian kan partido na magkaigwa nin bagong leadership sa kamara bilang parte kan pagbusisi sa institusyon asin sa lebel kan kurapsyon sa mga nakalihis na taon partikular na sa pandarambong sa pondo asin buwis kan taumbayan.
