Pinatutsayadahan ni Bise Presidente Sara Duterte an nagkapirang mga ahensya kan gobyerno sa saiyang mensahe sa Muslim community.
Segun kay Duterte, namumundo siya na dakol na mga ahensya kan gobyerno an nagpapabaya sa pag-otob kan saindang trabaho kung kaya dae natutotokan an mga problemang pigkakahampang kan mga Pilipino.
Pinatamaan kan Bise Presidente an kawaran nin maray na imprastraktura na mapapakinabangan kuta sa panahon nin kalamidad.
Tinuyaw man ni Duterte an Philippine Health Insurance Corporation na imbes na pakusogon an serbisyo sa mga Pilipino an mas pig-eenot pa an paggamit kan pondo sa ibang mga bagay.
Pinatutsyadahan man kaini an mga erepuerto sa Pilipinas na kulang suboot sa seguridad asin pigpapabayaan sanang magluwas sa publiko an video footage asin detalye nin biyahe kan ibang tawo.
Magigirumduman na nakaresibe nin mga negatibong komento si Duterte makalihis na mahiling ining nagbiyahe pasiring sa ibang nasyun sa panahon na naaapektaran kan Bagyong Carina asin Habagat an Pilipinas.
Sa ngunyan nagpaluwas naman nin pahayag an Philippine Health Insurance Corporation na nagsabing nakahanda sindang ipaliwanag sa Bise Presidente kung sain planong gamiton an saindang pondo.
