LEGAZPI CITY-Kinumpirmar kan Securities and Exchange Commission (SEC) na an Metro City Chow Foods Corporation, dai nagdeklara nin mga dividends poon 2017 sagkod 2019, sa ibong kan pagkaigwa nin unappropriated o unrestricted retained earnings sa laog kan mga taon na ini.
Susog ki Securities and Exchange Commission Company Registration and Monitoring Department Director na si Gerardo del Rosario, dai nagdeklarar nin dividends an kumpanya poon 2020 hasta 2025 huli ta igwa ining negatibong retained earnings.
Basado man sa mga dokumento na isinumiter kan kumpanya sa Securities and Exchange Commission, nakalista si Bise Presidente Sara Duterte bilang incorporator, director, asin miembro kan Metro City Chow Foods Corporation.
An mga rekord kan korporasyon kan Metro City Chow Foods Corporation nagbubuyagyag na si Bise Presidente Sara Duterte kabali sa mga incorporator kan kumpanya asin nagserbing direktor kan panahon kan pagtatag kaini.
Susog sa mga dokumento na iprinesentar durante kan paglilitis sa impeachment, si Duterte igwa man nin subscription sa sarong porsyon kan awtorisadong kapital kan korporasyon, asin an mga rekord nagpapahiling na siya an nagbayad kan subscription.
