LEGAZPI CITY-Uminalma si Defense counsel Atty. Justin Nicol Gular matapos ihayag kan pribadong piskal na si Atty. Erwin Matib na si Bise Presidente Sara Duterte “pirming nanggana” bilang sarong direktor kan sarong partikular na kompanya.
Nagpoon an tensyon kan hinapot ni Matib an testigo na si Gerardo Del Rosario kan Securities and Exchange Commission (SEC) manungod sa proseso kan pagpili kan mga miembros kan board of directors.
An testigo nagsimbag na an mga direktor pormal na pigpipili kan mga shareholders sa paagi nin sarong eleksyon.
Kasunod kan pahayag kan testigo, sinabi ni Matib na an eleksyon nagluluwas na pigsasagibo taon-taon asin si VP Sara Duterte an“pirming nanggana” bilang sarong direktor kan korporasyon na pinag-oolayan—kun sain sarong pahayag na tulos na kinontra kan depensa.
Nanindugan si Atty. Gular na an ebidensya dapat hale sa testigo, bako sa sadiring konklusyon o opinyon kan piskal na nabilog mantang nagkukwestyon.
Huli kaini, an defense team pormal na naghagad na an mga konklusyon ni Matib manungod sa mga katotoohan asin ley, an mismong halion sa opisyal na rekord, na nagsasabi na sinda mga diskurso o pahayag sana, na kulang nin pormal na basehan gikan sa testigo
