Ipinahayag ni VP Sara Duterte na wara pa sindang opisyal na listahan kan mga kandidato para sa Senado sa 2028 elections.
Segun sa bise presidente, igwang nagkapirang gustong magbale saiya enkaso magdalagan, alagad wara pa nin pinal na kasunduan o pormal na listahan.
Dae man kaini pinangaranan an posibleng kandidato huli sa mga huma asin harassment na namamatean kan mga kaalyado asin amigo.
Wara man siya nin desisyon manungod sa saiyang magigin running mate sa pagka-bise presidente.
Pinag-olayan man kaini an epekto kan krisis sa Middle East sa mga Pilipino asin nangapudan sa gobyerno, sa pangengenot ni Presidente Ferdinand Marcos Jr., na mag-hiro nganing matabangan an mga apektado.
Huli sa paglangkaw kan presyo kan gasolina, inasegurar ni VP Sara na ipapadagos kan saiyang opisina an free ride program ngani na maibsan an gastos sa transportasyon.
