LEGAZPI CITY- Nagbaba na an bilang kan mga violators sa Smoke Free Ordinance na nanutaran sa syudad kan Legazpi sa haros aru-aldaw na saindang paglibot sa mga establishimento asin sa mga pampubikong lugar sa syudad.
Sa intrevista kan Bombo Radyo Legazpi Kay Jose Balbin an Smoke free Unit Legazpi Enforcement Team head, haros nasa 20 na indibidwal an saindang nadadakop asin natatawan nin warning huli sa pagbayular sa naunambitang ordinansa.
Napag-araman na ngunyan lang na bulan nin Agusto nagabot na sa 163 na mga violator an saindang nadakop asin 33 na mga violators sa pagpuon kan Bulan nin Setyembre.
Aminado man an naunambitang opisina na nadidipsilan man giraray sinda sa pagsasagibo nin mga operasyon asin pagtatao nin mga penalidad lalo na sa mga naggagamit nin mg vape sa syudad alagad dae suboot ini mauntok antes na dae nawawara an mga nagbabalgar sa ordinansa.
Pigbarewas man kan opisyal na sa maabot na January 2025 an dagos na an saindang pagpapaotob nin penalidad sa mga naggagamit nin vape sa Legazpi City.
Napag-araman kaya na sa ngunyan sulamenteng warnings pa sana an saindang tigtatao sa mga nadadakop na violators.
Nagpagirumdom man an opisyal sa mga nagpapabakal nin mga Tobacco products asin vape na bawal magpabakal kan naunambitang mga produkto sa mga lugar na nasa laog kan 100 meter raduis kan mga eskwelahan asin sa mga estudyante huli na man sa nanutaran na may nagkapirang mga estusyante na an naiiling na naggagamit nn segarilyo asin vape.
