Vanness Wu, nagtao nin tribute sa pagkagadan ni Barbie Hsu

Nagpahayag kan saiyang pagdadalamhati si Vanness Wu sa pagkagadan kan saiyang co-star sa “Meteor Garden” na si Barbie Hsu.

Sa saiyang social media post, ipigheras niya an sarong ladawan kan logo kan Barbie na may itom na background bilang simbolo kan pagluluksa.

Ipinahayag niya an pasasalamat sa karahayan ni Hsu sa mga nakaaging taon, lalo na kan enot sindang nagkamidbid.

Si Vanness Wu an nag-ganap bilang Mei Zuo sa naunambitang serye kan 2001, kun saen si Hsu an bida bilang Dong Shan Cai.

Namaaram si Barbie Hsu kan nakaaging Pebrero 2 nin huli sa pneumonia na kawsa kan komplikasyon hale sa trangkaso mantang nasa Japan.