Nagpatanid si US Defense Secretary Lloyd Austin sa agresibong aksyon kan China sa Indo-Pacific region asin tinawang duon an importansya kan dayalogo ngani na maibitaran an kariribukan.
Sa nagin speech kaini sa Asia Security Summit o mas bisto bilang Shangri-La Dialogue, na sarong huma an pigkakahampang na harassment kan Pilipinas.
Tinawang duon kaini an pagmamantenir kan dayalogo sa pagultangan kan mga militar asin sinabing dae riribayan an open lines of communication ngani na maibitaran an anumang dae pagkakasinabutan asin miscalcutations.
Magigin secure sana an Amerika kapag salbado o makusog an Asya. Ini man an rason kun nata haloy nang pigmamantenir kan US an presensya kaini sa rehiyon.
Magigirumduman na nakipaghilingan si Austin kan Mayo 31 sa Chinese counterpart kaini na si Dong Jun sa sidelines kan meeting kun sain inihayag an concern katakod sa provocative military activities kan China harani sa Taiwan.
Ini an kaenot-enoting personal na pag-oolay kan duwang defense chief puon kan Nobyembre 2022..
