LEGAZPI CITY – Ipigpresentar kan Bureau of Jail Management and Penology Bicol an mga uniporme kan saindang ahensya sa sarong aktibidad na ginibo sa sarong mall sa ciudad kan Legazpi.
Segun ki BJMP Bicol Chief of community relation service Jail Senior Inspector Kenneth Gayle Florece sa intrevista kan Bombo Radyo Legazpi na katuyuhan kan aktibidad an nganing ma-enganyar an mga estudyante na magkaigwa nin career path sa saindang ahensya.
Afuera suboot kan pagpresentar kan saindang mga uniporme an ipig-ofresir man ninda an sarong trade fair kun sain tampok an mga produktong gibo kan mga Persons Deprived of Liberty nganing makakuwa an mga ini nin ganansya nganing makapagsuporta sa saindang pamilya sa luwas.
Pigtaram pa kan opisyal na gabos na mga PDL’s an naka-enroll sa saindang livelihood activities huli ta gabos na mga jail an may manlain-lain na produkto para sa saindang pagkaka-kitaan.
Pangapodan man ni Florece sa publiko na aprobitsaran an saindang trade fair kun sain mababakal an mga produktong gibo kan mga PDL’s urog nang harani na an kapaskuhan asin nganing matabangan an mga PDL sa pagsuporta sa saindang mga pamilya.
