Magtatagama an United Kingdom nin hasta sa £660 million o katumbas ninpoco mas o menos $892 million sa France sa laog nin tulong taon bilang parte kan bagong kasunduan ngani na mapugulan an paglangkaw kan illegal migrant crossings sa English Channel.
An pondo an gagamiton ngani na pakusugon an seguridad sa baybayon kan northern France, kun sain nakapagrehistro nin rinibong mga iligal na pagbalyo kan mga migrante pasiring sa UK.
Basado sa datos, uminabot sa poco mas o menos 41,000 katawo an nagbalyo sa Channel kan 2025 na haros katumbas kan record kan 2022.
Sa irarom kan kasunduan, an £500 million an itatagama para sa pagpapakusog kan enforcement operations, kaibanan an pag-deploy nin haros 1,100 tauhan nin pulisya, intelligence operatives, asin military personnel sa mga coastal areas.
Ipapaluwas sana man an £160 million kun mapapatunayang epektibo an mga bagong lakdang sa pagbabawas kan crossing.
Kun dae magta-trayumpo, posibleng ipapundo an nasabing pondo makalihis an sarong taon.
Riribayan kan bagong kasunduan an enot na three-year agreement kan 2023 na nagkakantidad nin poco mas o menos £480 million.
Kaibanan sa bagong plano an pagbilo nin 50 katawo na riot police unit, mas pinahewas na intelligence asin judicial teams, asin dugang na maritime patrols.
Magamit man nin drones, duwang helicopter asin upgraded camera systems an duwang nacion para sa mas mahigot na pagbabantay sa kadagatan.
Madugang man an France nin bagong patrol vessel asin labi sa 20 maritime officers ngani na pugulan an mga bangka na pigagamit sa pagbalyo nin teritoryo.
