LEGAZPI CITY – Arestado an tulong persona sa Brgy. Cagang, Barcelona, Sorsogon huli sa pagbalgar sa Presidential Decree No. 705 o mas bisto sa The Forestry Reform Code of the Philippines.
Nabisto an mga akusado na sinda Geraldine Estorninos, 28-anyos kan Brgy. Sta. Lourdes, Henry Ferreras, 54-anyos kan Brgy. Cagang; asin Eddie Forlaje na residente kan Brgy. San Antonio kan nasambitan na banwaan.
Segun sa impormasyon, nagkondusir nin operasyon kontra sa iligal na pagpuputol nin kahoy an mga personahes kan Barcelona MPS na nagresulta sa pagkaka arestar kan nasambitan na mga persona.
Nakumpiskar man sa mga ini an mga tabla na igwang manlaen laen na dimensyon.
Sa presente nasa kustodiya na kan mga otoridad an naarestar na mga suspek para sa magkakanigong disposisyon.
