LEGAZPI CITY- Aminado an nagkapirang mga Pilipino sa Qatar na dae maibitara na makamati sinda nin pagkahadit huli sa nagpapadagos na tensyon sa Middle East.
Segun ki Bombo International Correspondent sa Qatar na si Dennis Mota na kun maluwas nin harong, nahahaditan sinda na mabagsakan nin mga debris.
Ini maski pa padagos na nahaharang kan Doha airspace an mga missle attacks sa Qatar.
Pag-istorya kaini na amay man na pigpapauli kan mga kumpanya an sindang mga empleyado asin mas nagin flexible sa trabaho puon kan magbungkaras an kariribukan.
Sa presente wara pa man suboot na mga Pilipino an mawot na maghali sa Qatar alagad padagos na pigpapa-ingat an mga ini.
Mientras tanto, nahahadit man si Mota asin an iba pang mga Pinoy na posibleng maapektaran an ekonomiya kan Qatar huli sa nagpapadagos na kariribukan.
Ini urog pang apektado man an operasyon kan nagkapirang mga kumpanya sa ngunyan.
