Nagpatanid an Philippine Exporters Confederation Inc. (Philexport) na an nagtitinding tensyon sa Middle East, kasunod kan pag-atake kan Estados Unidos asin Israel sa Iran asin an pagbalos kan Iran, pwedesir magkaigwa nin mahiwas na epekto sa global supply chain.
Sa sarong pahayag, sinabi kan grupo na an mga pag-atake asin pagpuntirya sa mga nasyon sa Middle East na may mga base militar kan Estados Unidos asin an paglimitar kan Strait of Hormuz nagkawsa na nin mga pagka-octaba sa airspace asin logistics, mantang nagpapakusog kan pagka-volatile sa mga energy markets.
Segun sa grupo, an mas mabantol na pagtalubo kan ekonomiya asin mas halangkaw na gastos an pwedesir makaapektar sa mga dalagan nin komersyo sa bilog na kinaban.
Para sa Pilipinas na nag-aangkat nin dakulang kantidad nin langis, an paglangkaw kan presyo kan krudo an direktang magpapataas kan gastos sa produksyon, transportasyon, asin logistics.
Segun sa Philexport, posibleng magpaluya ini sa price competitiveness kan mga produktong Pilipino sa global market.
Kabali sa mga sektor na pinaka-apektado iyo an mga electronics, garments, processed food asin furnitures, na pwedesir mahampang sa mas halangkaw na shipping rates, insurance premiums asin mas halawig na transit times kun an mga ruta an mabago o ma-delay.
Binalikan man kan grupo an mga nakaaging tensyon sa rehiyon na nagresulta sa mga freight asin security surcharges—mga dagdag na singil na pwedesir ibugtak liwat asin magpagabat sa komersyo asin turismo.
Nagpatanid man an Philexport kan posibilidad nin pagluway kan demand sa ibang nasyon, nin huli ta an currency volatility asin an inflationary pressures pwedesir makabawas sa consumer spending, orog na sa mga energy-dependent economies sa Asia asin Europe.
Apwera sa bakong direktang epekto, sinabi kan grupo na an mga Philippine exports sa mismong Middle East ab nagtetenir na bulnerable kun maglala pa an tensyon.
Huli kaini, nangapudan an Philexport sa gobyerno na mahigot na bantayan an mga pangyayari asin pag-adalan an mga lakdang nganing mabawasan an negatibong epekto sa mga exporters asin sa ekonomiya kan nasyon.
 has warned that escalating tensions in the Middle East, following the US and Israeli attacks on Iran and Iran’s retaliation, could have widespread effects on the global supply chain.){kind=link}