LEGAZPI CITY—Arestado an tulong indibidwal makalihis na madakop sa aktong pagsusugal nin “tong-its” sa Tabaco City.
Binisto an mga suspek na sinda alyas “Cat”, “Julie”, asin “Rose” na pararehong residente kan nasabing ciudad.
Narekober kan mga personahes kan Tabaco City Police Station sa mga suspek an sarong set nin kulay asul na baraha, sarong puting tiwalya na piggamit bilang pantakop sa lamesa, asin mga kwarta na pusta na nasa kantidad nin P328 na manlaen-laen an denominasyon.
Sa presente, nasa kustodiya kan Tabaco CPS an mga suspek para sa magkakanigong dokumentasyon asin disposisyon.
Mahahampang an tulong indibidwal sa kasong pagbalgar sa Presidential Decree 1602 o an ley kontra sa ilegal na sugal.
