Sa enot na bes makalihis ipapundo an labi 30 taon na an nakalihis, ipinag-sugo ni US President Donald Trump sa War Department na ipagpapadagos an nuclear weapons testing kan Amerika.
Huring nagsagibo an Amerika nin nuclear weapons testing kan taong 1992 pa.
Sa sarong pahayag, ipinaliwanag kan Presidente kan Estados Unidos na an lakdang an nganing makasabay sa testing programs kan ibang nasyon arog kan Russia asin China.
Ipinag-orgolyo ni Trump na kumpara sa ibang nasyon, an Amerika igwa suboot nin mas dakul na nuclear weapons , kun saen an puminanduwa an Russia asin ikatulo an China.
Dai pigdetalye ni Trump kun pano mangyayari an nuclear weapons tests, alagad sinabi niya na an proseso an mapoon tulos.
Ginibo man ni Trump an nasabing kasuguan makalihis niyang kondenahon an Russia sa pagsasagibo nin testing sa sarong nuclear-powered missile, na napabareta na may unlimited range o may mahiwas na saklaw.
Sa ibong kan aminado si Trump na may matinding kapangyarihang na makadistroso an nuclear weapons, wara suboot siyang choice kundi i-“update asin i-renovate” an arsenal kan Amerika sa saiyang panenerbihan.
Magigirumdoman na sa irarom ni dating US President George HW Bush, sarong moratorium sa nuclear weapons an ipinaluwas kasabay kan pagtatapos kan Cold War.
