Ipighayag ni U.S. President Donald Trump an saiyang pagkadismaya sa huring pag-atakeng ginibo kan Russia sa Ukraine.
Sinabi niya na bako siya maugma kay Russian President Vladimir Putin asin hinapot pa ini kun ano an nangyayari kay Putin.
An nasabing pahayag ni Trump an kasunod kan mahiwasang pag-atake kan Russia gamit an 367 drones asin missile sa mga ciudad kan Ukraine, kabale an Kyiv, na ikinagadan kan dae mababa sa 12 katawo asin pagka-irido kan iba pang residente.
Sinabi man ni Trump na padagos siyang nakipag-olay kay Putin nganing maguno an tigil-putukan sa tulong taong digmaan asin pigtaram an posibilidad kan kadugangang padusa na ibubugtak sa Russia huli sa mga piggigibong pag-atake.
