LEGAZPI CITY—Karsel an bagsak kan sarong indibidwal sa ginibong gun buy-bust operation sa Camalig, Albay.
Binisto an suspek na si alyas “Rey”, 40-anyos, truck driver asin residente kan Barangay Morera, Guinobatan, Albay.
Naarestar ini sa pinagsarong operatiba kan Camalig Municipal Police Station, Provincial Intelligence Unit – Albay Police Provincial Office, Regional Mobile Force Battalion 5, asin Regional Police Drug Enforcement Unit 5 makalihis an ribayan kan badil asin gun-bust money.
Narekober saiya an sarong unit nin caliber .38 (Armscor) na warang serial number, walong bala asin sarong hand-grenade.
Nahahampang ini sa kasong pagbayolar sa Republic Act No. 10591 o ang “Comprehensive Firearms and Ammunition Regulation Act” asin Republic Act 9516 o ang “Unlawful Manufacture, Sales, Acquisition, Disposition, Importation or Possession of an Explosive or Incendiary Device.
Sa presente nasa kustodiya na ini kan Camalig MPS para sa kadugangang pagsusuri asin pagproseso. Mantang an mga nakumpiskar na armas asin bala an nasa kustodiya kan mga otoridad para sa wastong pag-aayos.
