Kinuwestiyon ni dating Senador Antonio Trillanes IV an pagigin silecio suboot ni Baguio City Mayor Benjie Magalong katakod kan isyu sa P36 bilyong rock-netting scam sa Baguio asin Benguet.
Segun ki Trillanes, kan 2022 pa suboot sinabi ni Magalong saiya kun siisay an mga imbuelto alagad sagkod ngunyan an wara pa ining pigluluwas na impormasyon sa publiko.
“Nung 2022, sinabi ni Mayor Benjie Magalong sakin kung sino ang mga nasa likod ng 36 bilyon rock-netting scam sa Baguio/Benguet.” ani Trillanes sa post sa saiyang social media account kan Setyembre 10.
“Ang tanong bakit hindi nya ito nilalabas hanggang ngayon? Takot ba sya o dahil kaalyado nya ang mga Duterte?” dugang pa kan dating Senador.
Wara pang pahayag si Magalong mapadapit sa akusasyon kan dating lehislador.
