LEGAZPI CITY- Nagpagirumdom an sarong transport group sa publiko na maging marigmat sa mga mandurukot ngunyan na paparani na an holiday season.
Segun ki Basta Driver Safety Enforcer President Ronel Nebres sa intrevista kan Bombo Radyo Legazpi na pinag-aantisiparan na an pagdakol kan mga mapagsamantala ngunyan na bulan kan Disyembre kaya dapat na maging malikay an mga pasahero.
Dugang pa kaini na dapat na likayan man an mga bag asin mga wallet urog na kun dakol an darang kwarta kan mga ini.
Aminado kaya an opisyal na dae man gabos na nangyayari sa laog kan jeepney an nababantayan kan mga drivers urog na tuyong rush hour.
Napag-araman na may mga insidente na igwang mga nagkukuwa kan bayad kan kapwa pasahero urog pa kun dakulang kantidad an itinao.
