LEGAZPI CITY-Ipighayag kan sarong transport groups na bako karapat-dapat na maging masunod na Presidente kan nacion si Vice President Sara Duterte huli sa saiyang mga kontrobersiya sa impeachment complaint.
Segun kay Piston President Mody Floranda, sa intrevista kan Bombo Radyo Legazpi, na saro an saiyang pamilya sa naghale sa kabuhayan kan mga driver asin operator huli sa modernization program.
Tinawan doon man ni Floranda na bako siya karapat-dapat na magdalagan bilang Presidente huli sa kinaiimbueltuhan na manlain-lain na kaso asin katiwalian.
Siring suboot kan haros P620 Milyon na ginastos sa laog nin 11 aldaw asin P120 Milyon na pondo kan DepEd na dai niya maipaliwanag.
Tahasan man niyang sinabi na warang puwang si Vice President Sara na magin Presidente huli ta bako siya magayon na ehemplo sa mga namamanwaan.
Mientrastanto, padagos suboot an impeachment complaint laban sa Bise kun sain kabale an grupo sa nagpirma asin ipighayag na kumpleto an ebidensya kun nata kinakaipuhan na ma-impeach an Bise Presidente.
Dagdag pa kan opisyal na padagos man an pagbabantay kan nasabing transport group sa mga tiwaling opisyal afuera kay VP Sara.
Sinabi pa niya na dapat an mga opisyales kan gobierno, nagseserbi asin pigtatawan nin proteksyon an mga namamanwaan, bako an saindang mga sadiri.
